OIHANE PEREA-Bertso- Udaleku eta barnetegien arduraduna.

"Bertso udalekua, hitzekin jolasteko eta ongi pasatzeko gunea da, bertsolari eta bertsozaleek bat egiten duten lekua."

Bertsozale Elkarteak ia zazpi urte daramatza uda partean hamar- hamazortzi urte bitarteko gazteentzako udaleku bereziak eskeintzen. 200 dik gora lagun elkartzen da hauetan. Batzuek bertsolari izateko lanari ekingo diote, besteek bertsozale, publiko aditua, izateko bidean lehen urratsak emango dituzte. Udalekuetan izena eman nahi izanez gero www.bertsozale.com helbidera jo behar da. Aukera ugari dago: Zuhatza uhartea, Aubixa baserria, Arbona eta Zarautz. Helburua bakarra; ongi pasatzea eta bertsolaritza hobe ezagutzea.

Urtean zehar bertso eskoletan aritu behar ahal du udalekuan parte hartu nahi duenak? Nori daude zuzenduta?

Bueno, kuriosidade apur bat daukaten haurrei eta bertsozaleei baita ere. Bereziki erakargarria izango da haur bertsozaleentzako edo bertso eskolentzat daudenentzat. Baina guri poz gehiena ematen diguna da, bertsolaritza ezagutu gabe ere etorri izan diren haurrei, zelako poza eta lilura piztu zaien bertsolaritzarekiko.

Euskal Herri osoko haurrak doaz udaleku berezi hauetara. Nola egiten da aukeraketa?

Gure udalekuak guztiz irekiak dira, elkarteak zuzenean antolatzen dituenak eta hor ez dago mugarik. Euskal Herriko punta guztietako haurrak eta gazteak egoten dira eta gainera euskalki ezberdinak, bertsolaritza bizi eta ikusteko modu ezberdinak. Gero daude oso bertsozaleak, bertsolariak direnak ere bai, eskola arteko txapelduna dena edo bertsolaritzaz ezer ez dakiena, baina harreman horretan ba elkarren artean puzlea osatzen dute eta elkarrengandik ikasten dute.

Zer berezitasun daukate udaleku hauek gainantzekoekin alderatuta?

Udaleku batzuetako jolas tipikoak dira, baina bertsolaritzarekin zer ikusia dute, moldaketa eginda ,adibidez altxorraren bila edo puzzle jokoak egiten dira, baina bertsolarien bizitzak edo argazkiak oinarri bezela hartuta. Sormenari garrantzia handia ematen diogu.

Bertsolari ezagunen bisita izaten da udaleku berezi hauetan. Zeintzu dira haurrentzako bertsolari ezagun horiek?

Euskal Herriko txapelduna bai noski. Nik uste dut normalean erreferentzia dela eta gero zertxobait gazteago diren bertsolariak. Guztiak joaten dira, joan daiteke Maialen Lujanbio bertsotan Gipuzkoako txapelduna dena edo joan daiteke eskola arteko 15 urteko gazte bat. Zer egiten dugu? Normalean haiek prestatzen dituzte gaiak eta ikusten dute bertso saio bat nola antolatzen den eta bertsolariek beraientzat kantatzen dute. Bertso saio normal batean ez daukaten koneksio hori lortzen da, publikoa oso mugatua delako 30 haur.

Udalekuen ondoren zein da euren balorazioa, zein emaitza ateratzen dute?

Ondo pasatu dutela. Deskubritu dute bertso mundua baina beste modu batera, igual bertso eskoletan bertsogintza lantzen da, bertsoa egiteko teknika eta beste gauza batzu. Baina bertso udalekuetan helduek gozatzen dugun bezela bertso saio bat eta bere ingurune guztia, haurren neurriko atmosfera bat sortzen da eta orduan bertsolaritza famila handi bat bezela ezagutzeko eta parte sentitzeko aukera ematen die.

Nolako maila dute bertsolari gazteek gaur egun?

17 urterekin bertsotan oso ondo egiten du gaur egun jendeak. Esan nahi dut oso gazte hasten dela jendea kantatzen. Baita gutxiagorekin ere 14 urterekin edo 16 rekin. Amets Arzallus-ek txapela jantzi zuen 18 urterekin oso txapeldun gazteak daude. Pentsa txapeldun izan daiteke zurekin udalekutan ibilitako norbait, hori oso abersagarria da.

Zein etorkizun dute emakumeek bertso munduan?

Maialen Lujanbiok duela lau urte Euskal herriko bertsolaritza txapelketa nagusian ez zuen txapelik eraman. Baina txapeldun bezala tratatu genuen, kriston saioa egin zuelako. Gero Gipuzkoako txapela eraman zuen eta nik uste dut aurtengo txapela eramateko kandidata oso fuertea dela. Emakume gutxi gaude bertson munduan, baina orokorrean gehienen maila nahiko ona da. Kopuruan gutxiago izan arren, hortxe podium-ean eta herrialdetako finaletan egoten dira. Dardara piska bat egiteko motiboa badute gizonek.....

Ainhoa Mendiburu