AITZIBER ZUBILLAGA- DONOSTIAKO AQUARIUM-EKO MARKETING ARDURADUNA.

"Arrainek gauean ez dute lo egiten, ez dute betazalik eta ezin dituzte begiak itxi."

Donostiako Aquarium-ak bederatzi-hamaika urte bitarteko haurrei Aquarium-en lo egiteko aukera eskeintzen die. Hamabost laguneko taldea osatu, arduradun bi aurkitu eta lo zakua nahikoa da, marrazo eta sardinez inguratuta lo egiteko.Gizakiek gauez lo egiten dugu, baina arrainek zer egiten dute? Begiak ixten dituzte? Igeri egiteari uzten diote? Galdera hauen erantzuna aurkitzeko "Arrainekin lotan" egitasmoan izena ematea nahikoa da.

-Nolatan sortu zen "Arrainekin lotan" egitasmoaren ideia?

-Ikusi genuen beste Aquarium batzuetan horrelako esperientziak egiten ari zirela.Adibidez Monterreyko Aquariumean eta Lisboan badute antzeko esperientzia bat. Lisboan familiekin egiten dute eta Monterreyn bai familia eta ikasleekin. Besteek zer egiten zuten ikusita prueba pilotu bat egin genun Orixe ikastolako talde batekin eta oso ondo atera zen. Haurrak gustora zeudela ikusi genuen eta esan genuen: aurrera.

-Nori dago zuzenduta?

-Bederatzi-hamaika urte bitarteko haurrei gutxi gorabehera. Horrek ez du esan nahi handiagoak edo txikiagoak ez ditugunik hartuko.Irakasleekin hitz eginda, horretan geratu ginen.Egokiena izango zela adin horretarako, gehien disfrutatzen duten adina delako.

-Nolako gau-pasa antolatzen duzue?

-Arratsaldeko zortziretan iristen dira Aquarium-era. Lehenengo joko bat egiten da "Altxorraren bila" izenekoa, aquariumean bakarrik gaudela aprobetxatzen dugu eta pista bidez joko bat egiten da. Ondoren afaria egiten da kafetegian eta gero bisita aquarioetara. Aquarioek gaueko argia dute, kanpoan bezala gaua etortzen denean argia jaisten dugu eta orduan ikusten da arrainen jokamoldea.Lotarako ordua iritsita, garbitu, pijama jantzi, lo zakuak hartu eta tunela eta "uki aquiariuma-aren" inguruan jartzen gara, "Antzararen joko" erraldoia egiten da eta ondoren lotara.Goizeko zortziak aldera altxa, jantzi, kafetegian gosaldu eta etxera joaten dira.

-Haurrek lo egiten dute, baina arrainek zer egiten dute gauean?

-Lo, lo ez dute egiten. Arrainak ez dira gelditzen eta gu bezela lo egiten, ez dute betazalik eta ez dituzte begiak ixten.Mantsoago igeri egiten dute eta horrela deskantsatzen dute. Badira espezie batzuk gauez beraien gordelekutik ateratzen direnak. Morenak adibidez egunez ezkutuan egoten dira eta gauean ateratzen dira. Gauez eta egunez ez dira berdin ibiltzen.

-Norbaitek "Arrainekin lotan" egitasmoan parte hartu nahi badu zer egin behar du?

-Aquariumera deitu behar da; bi telefono daude, 943-44 00 99 edo 943-44 02 54. "Arrainekin lotan" programan parte hartu nahi dela esan eta eguna zehazten da. Normalean hamabost partaide izaten dira talde bakoitzeko, 9-11 urte bitartekoak, eta bi arduradun ekarri behar dituzte. Ikastolak, haur txokoak, aisialdi taldeakÉ edozein izan daiteke. Lagun talde bat bada, eskola berekoak izan gabe ere, onartzen dugu.

Ainhoa Mendiburu