ELKARRIZKETA:

Irati Fernandez "Alderdi psikologikoa fisikoa bezain garrantzitsua da"

Irati Fernandezek 15 urte ditu, eta atletismoan jarduten du 11 urte zituenetik. Duela hilabete pare bat, Espainiako txapelketan laugarren geratu zen 60 m-ko modalitatean eta bostgarren luzera jauziko proban. Asko gustatzen zaio kirol hau egitea, oso ondo pasatzen duelako. Baina honetara dedikatzea beste gauza bat da. Berak dioen bezala, "Oso zaila da honetatik bizitzea eta horretarako oso ona izan behar duzu".

Irati, nola hasi zinen atletismoan?

Ikastolan orri bat eman ziguten kirol batean izena emateko. Zeuden aukeretatik atletismoa egitea erabaki nuen. 11 urterekin hasi nintzen. Lehenengo, Astigarragako polikiroldegian eta gero Anoetan, bertako instalazioetan hobeto entrenatu ahal izango nuelako.

Duela gutxi, Espainiako Txapelketan parte hartu duzu. Zer moduz joan da?

Nahiko ondo. Kadete mailan parte hartu nuen, 60 metrotan eta luzeeran. Alde batetik, 60 metroko proban laugarren postua lortu nuen eta luzeran bostgarrena izan nintzen.

Oso urduri jartzen al zara txapelketetan? Zer egiten duzu lasaitzeko?

Hasieran pixka bat urduri jartzen naiz, baina lagunen bati ÔtxapaÕ txiki bat eman eta pasa egiten zait. Hala ere, neurri batean ona da larri egotea; beharrezkoa da tentsioa mantentzeko eta kontzentrazioa ez galtzeko

. Entrenamenduak oso gogorrak al dira? Zenbat entrenatzen duzu?

Oso ondo pasatzen dut entrenamenduetan eta ez zait gogorra egiten. Astean zehar, pare bat ordu entrenatzen ditut ia egunero. Batez ere fisikoa lantzen dugu, baina psikologikoki ere prestatzen gara. Ematen ez badu ere, psikologia alderdi fisikoa bezain garrantzitsua da.

Atletismoan zabiltzanetik, lesioren bat izan al duzu?

Bai. Bi izan ditut, baina okerrena orain dela bi urte izan nuen, belaunean. Luxaci—n de r—tula batengatik hanka mugitu gabe egon behar izan nuen eta gero, errehabilitazioan ibili nintzen denbora luzean. ...

entrenamenduak uztea pentsatu al zenuen?

Bai. Lesioarekin nahiko gaizki pasa nuen eta beldurra ematen zidan entrenatzeak. Berriz hastea gogorra egin zitzaidan, baina azkenean jarraitzea erabaki nuen.

Anoeta da entrenatzen zaren lekua. Zer iruditzen zaizu atletismoko pista kentzea, Gipuzkoarena bezalako futbol estadio bat egiteko?

Oso gaizki. Telebistan, aldizkarietan... leku guztietan futbolari buruz mintzatzen dira. Badirudi futbolaz aparte ez dagoela beste kirolarik. Gipuzkoarena egiteko atletismoko pistak kentzen badituzte, ezingo dugu Euskadin txapelketa handirik ikusi ahal izan. Mini-estadioan dauden instalazioak ez dira egokiak txapelketa handiak antolatzeko. Estadio berria egin ezkero, ezingo da abuztuan izaten den Reebook-Sari Nagusia bezalakorik ospatu.